Ako ste mišljenja da je sapunu mjesto samo na umivaoniku ili  tušu, jako se varate. Sapun je zapravo jako multifunkcionalan i može da vam bude od koristi u mnogo situacija.

Načini na koje možete da koristite sapun, i tako ćete uštedjeti energiju, novac i vrijeme:

1. SREDSTVO PROTIV INSEKATA NA CVIJEĆU
Ako imate problem sa  bubicama koje se nakupljaju na lišću i cvijeću, ili ako vam one prave štetu na biljkama, ovo može da bude idealan način da ih se riješite. Izrendajte polovinu sapuna, pa to ubacite u flašu vode. Tu mješavinu stavite u posudu sa raspršivačem i isprskajte lišće vaših biljaka.

2. LIJEK PROTIV UJEDA INSEKATA
Ako vas je ujeo komarac i to mjesto vas svrbi, samo protrljajte malo navlaženog sapuna preko ujeda. Osjetićete olakšanje istog trenutka.

3. OSVJEŽIVAČ LADICA
Odaberite vaš omiljeni miris sapuna, pa ga stavite  u ladicu u kojoj držite donji veš ili čarape. Ovako će veš primiti lijep miris, a svaki put kada otvorite ladicu osjetićete omiljenu aromu. Ovo je takođe sjajan način da se izbjegne onaj ustajali miris koji odjeća  poprimi.

4. ODSTRANJIVAČ FLEKA
Imate upornu fleku koja jednostavno neće da se skine? Fleku dobro istrljajte sapunom, pa ostavite da se sve osuši prije nego što ponovo operete.

5. OSVJEŽIVAČ OBUĆE
Ako imate problema sa neprijatnim mirisima u obući, što je prisutno naročito ljeti kada se noge više znoje, onda vjerovatno kupujete one skupe sprejeve za osvježavanje obuće. Dobra vijest je da umjesto toga možete slobodno da upotrijebite najobičniji sapun. U svaku cipelu stavite po jedan sapun, pustite da odstoji preko noći i ujutru će vaše cipele mirisati kao nove.

6. JASTUČE ZA IGLE
Ovo je posebno dobar trik za one žene koje vole da šiju, ali imaju naviku da gube igle. Od običnog jeftinog sapuna možete da napravite jako lijepo jastuče za igle. Suv sapun umotajte u komad tkanine, vežite lijepom trakom i eto ga jastuče. Kada ne koristiteigle , igle držite zabodene u sapun.

7. LUBRIKANT ZA RAJSFERŠLUS
Sljedeći put kada vam se rajsveršlus zaglavi, samo natrljajte malo sapuna sa zadnje strane zubaca i vidjećete da ćete zakopčati pantalone za tren oka.

8. ČISTAČ NOKTIJU
Prije nego što se uputite u kopanje po bašti, pređite noktima preko suhog sapuna. Na taj način sapun će da se nagomila ispod nokta, i onda tu neće moći da uđe prljavština. A sapun se mnogo lakše pere od zemlje.

loading...

Slični postovi:

Comments

comments